បុរស​បី​នាក់​ត្រូវ​តុលា​ការ​កាត់​ទោស​ដាក់​គុក​២០​ឆ្នាំ​ដូច​គ្នា។ មុន​ពេល ​បញ្ជូន​ចូល​ពន្ធ​នា​គារ​ គេ​អនុ​ញ្ញាត​ឱ្យ​​បុរស​ទាំង​បី​រ​រូប​នោះ​ ម្នាក់ៗ​មាន​សិទ្ធិ​យក​របស់​មួយ​មុខ​ចូល​ទៅ​ជា​មួយ។ ​ឮ​ដូច្នេះ​​​បុរស​ទី​ មួយ​យក​សៀវ​ភៅ​តាម​ខ្លួន​មួយ​ជង់​ធំ។ ​បុរស​ទី​ពីរ​យក​ប្រពន្ធ​​ចូល​ទៅ​តាម។  ចំណែក​​បុរស​ទី​បី​យក​បារី​ស៊ីហ្គា​ចូល​២០​កេស។
ក្រោយ​​២០ឆ្នាំ គេ​បើក​ទ្វារ​បន្ទប់​​ទី​មួយ ​បុរស​នៅ​ក្នុង​នោះ​ចេញ​មក​ក្រៅ​ឈរ​និយាយ ៖
-ក្នុង​រយៈ​​ពេល​២០​ឆ្នាំ​កន្លង​មក​នេះ ខ្ញុំ​​រៀន​សូត្រ​​ដោយ​ខ្លួន​ឯង​ យ៉ាង​យក​ចិត្ត​ទុក​ដាក់​​បំផុត ។ ​ពេល​នេះ​ខ្ញុំ​យល់​ដឹង​ច្រើន​​ប្រការ​​ ណាស់, ​អាច​ក្លាយ​​ជា​មេធាវី​ម្នាក់​បាន។ ពិត​ជា​អស្ចារ្យ​​មែន !
បន្ទាប់​​មក​គេ​បើក​ទ្វារ​​បន្ទប់​ឱ្យ​បុរស​ទី​ពីរ​ចេញ​​មក​ទៀត ។ បុរស​នោះ​ ចេញ​មក​ជា​មួយ​ប្រពន្ធ​​របស់​ខ្លួន និង​កូន​៥​នាក់។ គាត់​​និយាយ​យ៉ាង​​ សប្បាយ៖
-២០​ឆ្នាំ​កន្លង​មក​នេះ ជា​រយៈ​ពេល​អស្ចារ្យ​បំផុត។ ​ខ្ញុំ​និង​ប្រពន្ធ​ ខ្ញុំ​​មិន​ដែល​ជិត​សិ្នទ្ធ​គ្នា​​ដល់​ម្លឹង​ទេ ។ ពេល​នេះ​ខ្ញុំ​មាន​ គ្រួសារ​​មួយ​ប្រកប​ដោយ​សុភមង្គល​​រក​អ្វី​ប្រៀប​​ផ្ទឹម​គ្មាន។
ចំណែក​​បុរស​ទី​បី​ដែល​យក​បារី​ស៊ីហ្គាតាម​២០​កេស, ចេញ​​មក​ខាង​ក្រៅ​ភ្លាម គាត់​ស្រែក​សួរ ៖
-ខ្ញុំ​អស់​ឈើ​គូស​ប្រើ​​ជិត​២០​ឆ្នាំ​ហើយ ។ ​ឃ្លាន​បារី​ណាស់ អ្នក​ណា​មាន​ឈើ​គូសឱ្យ​ខ្ញុំ​​សុំ​មួយ​ដើម​​មក៍?