ព្យាយាម តមអាហារខ្លាំងដែរ តែមិនស្រកទម្ងន់?
Posted by : 112220 | 26-Nov-2020
យល់ដឹង៖ ក្នុងពេលបច្ចុប្បន្ន មិនថាស្រីឬប្រុសនោះទេ គេតែងនិយម នៅរាងស្គមៗ ភាគច្រើនគឺ សុភាពនារីតែម្តង ក៏ប៉ុន្តែ
ខណៈពេលដែល កំពុងតែស្ថិត ក្នុងដំណើរការ នៃការសម្រក់ទម្ងន់នោះ ក៏មានមនុស្សមួយចំនួន បានបង្កើតនៅកំហុសខ្លះ
ដោយមិនដឹងខ្លួន ដែលជាហេតុធ្វើឲ្យ ពួកគេមិនអាចស្រកទម្ងន់ ទៅតាមចិត្តដែល ពួកគេចង់បាន។
ការសម្រក់គីឡូគឺ ជាដំណើរការមួយដែល អ្នកត្រូវការពេលយូរ ក្នុងការអនុវត្តន៍ ដោយមិនអាច សម្រេចបានក្នុងរយៈពេល
ដ៏ខ្លីនោះទេ គឺវាទាមទារ ត្រូវមានចិត្តអំណត់អត់ធន់ និងតស៊ូទើបអាច ជោគជ័យបាន។ ក៏ប៉ុន្តែ ថ្វីត្បិតតែ ការសម្រក់ទម្ងន់ទាម
ទារ ពេលវេលា តែក៏មានកត្តាមួយចំនួនដែល អ្នកបង្កដោយអចេតនា មករារាំងដល់ដំណើរការនៃ ការសម្រក់គីឡូ របស់អ្នកបាន។
ជាក់ស្តែង មានកត្តាជាច្រើន ដែលអាចមានឥទ្ធិពល មកលើការសម្រក់ទម្ងន់ ហេតុនេះប្រសិនបើអ្នក មិនបានស្វែងយល់ ឲ្យ
បានច្បាស់ និងស៊ីជម្រៅទេនោះ។ ដូចនេះ ការព្យាយាម ក្នុងការសម្រក់ទម្ងន់ របស់អ្នកក៏អសារបង់ មិនទទួលបានជោគជ័យ
ជាទីគាប់ចិត្តដូចគ្នាដែរ។
១. ញុំាប្រូតេអ៉ីនមិនគ្រប់គ្រាន់
នៅក្នុង អាហារមួយពេលៗ ត្រូវមានសារជាតិ ប្រូតេអ៉ីន ដូចជា សាច់គោ ទ្រូងមាន់ ពងមាន់ ឬម្សៅប្រូតេអ៉ីន ហើយត្រូវប្រាកដ
ថា អាហារដែលយើងញុំាគឺ មិនមានជាតិខ្លាញ់ ជាតិប្រៃ និងជាតិផ្អែម។ ប្រូតេអ៉ីន អាចជួយបង្កើត សាច់ដុំអោយ សាច់យើង
ហាប់ណែន ម្យ៉ាងទៀតសារជាតិ ប្រូតេអ៉ីនធ្វើអោយយើង មិនសូវឃ្លាន ដែលជួយអោយ យើងញុំាតិចជាងមុន។
២. ផឹកទឹកច្រើនមុខ
ត្រូវចាំថាជាតិទឹក ដែលល្អជាងគេសំរាប់ រាងកាយរបស់យើងនោះគឺ ទឹកធម្មតា។ ប្រាកដហើយថា យើងអាចញុំាកាហេ្វ ភេសជ្ជៈ
ផ្សេងៗ ទឹកដោះគោ តែយើងមិនគួរញុំា របស់ទាំងនោះ ច្រើនពេកទេ។ មានតែទឹកធម្មតាទេ ដែល មិនមានកាឡូរីដែល ធ្វើអោយយើងឡើងទំងន់បាន។
៣. មិនយល់ដឹងពីកាឡូរី
កាឡូរីCalorie គឺជាសារជាតិ គ្រប់គ្រងទំងន់ របស់យើង ញុំាកាឡូរីច្រើន ទំងន់ឡើងច្រើន ញុំាជាតិកាឡូរីតិច ធ្វើអោយ
ស្រកទំងន់។ គ្រប់អាហារទាំងអស់ រួមទាំងបន្លែគឺ សុទ្ធតែមានកាឡូរី គ្រាន់អាហារខ្លះ មានតិច ខ្លះមានច្រើន មានតែទឹក
សាបទេ ដែលគ្មានកាឡូរី។ សរុបមកយើង ត្រូវយើងជ្រើសរើស ញុំាអាហារណា ដែលមានជាតិកាឡូរីទាប ទើបទំងន់របស់
យើង អាចស្រកបាន។
៤. ហាត់ប្រាណមិនគ្រប់គ្រាន់
ការហាត់ប្រាណគឺ ជាផ្នែកមួយដ៏សំខាន់ ក្នុងការដុតកាឡូរី ក៏ដូចជា ដុតជាតិខ្លាញ់ ចេញពីក្នុង រាងកាយរបស់យើង មិនតែ
ប៉ុណ្ណោះ ការហាត់ប្រាណក៏ធ្វើអោយ រាងកាយយើង មាំមួនទៀតផង។ យើងគួរហាត់ប្រាណ អោយបានយ៉ាងតិច៣០នាទី
ក្នុងមួយថ្ងៃ និង៤ ទៅ៥ ថ្ងៃក្នុងមួយសប្តាហ៍។
៥. មិនមានគ្រូបង្វឹកណែនាំ
ការហាត់ដោយខ្លួនឯង ដោយមិនដឹងពីក្បួនខ្នាតត្រឹមត្រូវ នៃលំហាត់ប្រាណ និងមិនទាន់ យល់ពីរបបអាហារ អាចធ្វើអោយ
យើង ខាតពេលច្រើននិង មិនទទួលបានលទ្ធផល។ តែប្រសិនបើអ្នកគ្មានពេល នឹងទៅហាត់ខាងក្រៅ ការដែលហាត់ប្រាណ
ដោយខ្លួនឯង ក៏បានដូចគ្នាដែរ តែអ្នកត្រូវតែដឹងពីក្បួនខ្នាត ក្នុងការហាត់ ហើយត្រូវធ្វើកាលវិភាគ ហាត់ប្រាណជាប្រចាំ មិន
មែនហាត់មួយថ្ងៃ ខាន២ទៅ៣ថ្ងៃ នឹកឃើញចង់ហាត់ ទើបហាត់នោះទេ។ ព្រោះការហាត់មិនទៀតទាត់ មិនអាចទទួលបាន
លទ្ធផលល្អ និងនាំតែធ្វើឲ្យ តែឈឺខ្លួននោះទេ។
៦. ស្រេ្តសច្រើន
ទោះបីជាយើង ហាត់ប្រាណគ្រប់គ្រាន់ គ្រប់គ្រង់របបអាហារ បានល្អ តែបើជារៀងរាល់ថ្ងៃ យើងមាន ការស្ត្រេសច្រើន វានឹង
ធ្វើអោយយើង ប្រព័ន្ធដុតជាតិខ្លាញ់ របស់យើងដំណើរការ មិនល្អនោះទេ។ ដើម្បីកាត់បន្ថយ ភាពស្ត្រេសនេះ យើងអាចហាត់
យូហ្គា(yoga), អានសៀវភៅ, មើលរឿងកំប្លែង និងធ្វើសមាធិ អោយបានទៀងទាត់។
៧. គេងមិនគ្រប់គ្រាន់
យើងដឹងហើយថា រាងកាយរបស់យើង ដុតជាតិខ្លាញ់ខ្លាំង នៅពេលដែលយើង គេង ដូច្នេះបើសិនជា យើងគេងមិនគ្រប់
គ្រាន់ទេ រាងកាយយើង មិនអាចដុតជាតិខ្លាញ់ បានល្អនោះទេ។ យើងគួរគេង អោយបានចាប់ពី៦ទៅ៨ម៉ោង ជារៀងរាល់
ថ្ងៃ។ នៅពេលដែលយើង ដឹងពីកំហុសរបស់យើង កន្លងមក យើងអាចចាប់ផ្តើម កែប្រែម្តងបន្តិចៗនោះ យើងនឹងឃើញ
លទ្ធផលប្លែក និងទទួលបាន ទំងន់ដែលយើង តែងប្រាថ្នាជាក់ជាមិនខាននោះទេ៕
ប្រភព៖ khmerload.com
If you like, please click LIKE and SHARE!
