ចង់​ស្លរ​ត្រី​កុំ​ឲ្យ​ឆ្អាប សាច់​ហាប់​ណែន​មិន​បែក ដាក់​តែ​គ្រឿងផ្សំ​​នេះ​ចូល​ធានា​ថា​ឆ្ងាញ់​ដូច​ហាង

Posted by : 112220 | 20-Oct-2020

ក្រោយ​ពេល​ស្លរ​ត្រី​ឲ្យ​ពុះ​បាន​រយៈ​ពេល​៦ ទៅ​៧​នាទី ដាក់​មើម​ខ្ញី​ចូល​ឆ្នាំង​សម្លរ​ នឹង​ធ្វើ​ឲ្យ​ត្រី​បាត់​អស់​ក្លិន​ឆ្អាប ធ្វើ​ឲ្យ​សាច់​ត្រី​​ហាប់​
ល្អ មិន​បែក​ទាល់​តែ​សោះ។

ត្រី​ ​ជា​ប្រភេទ​អាហារ​ដែល​សម្បូរ​ទៅ​ដោយ ជីវជាតិ​ច្រើន​បំផុត ហើយ​ទោះ​បី​ជា​ទទួល​ទាន​ច្រើន​ក៏​មិន​ប៉ះ​ពាល់​ដល់​សុខភាព​ ដូច​ប្រភេទ
​សាច់​ដទៃ​ឡើយ។ ត្រី​ ត្រូវ​គេ​សង្កេត​ឃើញ​ថា តែង​មាន​វត្តមាន​នៅ​រាល់​ពេល​បាយ​របស់​គ្រួសារ​ជាច្រើន។ យ៉ាង​ណា​ក្ដី ទោះ​បី​ជា
​បរិភោគ​ត្រី​ជា​ហូរហែរ តែ​មិន​មែន​គ្រប់​គ្នា​សុទ្ធ​តែ​ចេះ​ចំអិន​ត្រី​យ៉ាង​ម៉េច​កុំ​ឲ្យ​មាន​ក្លិន​ឆ្អាប និង​មិន​បែក​នោះ​ឡើយ។

តាម​ការ​ពិត ដើម្បី​បំបាត់​ក្លិន​​ឆ្អាប និង​កុំ​ឲ្យ​សាច់​ត្រី​បែក គឺ​មាន​ភាព​ងាយ​ស្រួល​មែន​ទែន ដោយ​ប្រើ​គ្រឿង​ផ្សំ​បន្ថែម​តែ​មួយ​គត់​នោះ​
គឺ មើម​​ខ្ញី។ ដើម្បី​ទទួល​បាន​មុខ​ម្ហូប​ត្រី​ចំហុយ​ឆ្ងាញ់ មិន​ឆ្អាប សាច់​ហាប់​ល្អ អ្នក​អាច​មើល​តិច​និក​ខាង​ក្រោម៖

ក្រោយ​​ពេល​លាង​ត្រី​ជាមួយ​អំបិល​ឲ្យ​ស្អាត លែង​មាន​ជាតិ​រំអិល យក​កាំបិត​មក​អង្កន់​ត្រី​ដើម្បី​ឲ្យ​ជាតិ​បាន​ជ្រាប​ចូល​សព្វ​ត្រី​ល្អ។
ប្រឡាក់​ត្រី​ជាមួយ​ទឹក​ស៊ីអ៊ីវ ស្ករ​ស បន្ទាប់​មក​ចាក់​ទឹក​ចូល​ឆ្នាំង​ ដាំ​ឲ្យ​ពុះ រួច​ដាក់​ត្រី​ឡើង​ចំហុយ។ ក្រោយ​ចំហុយ​បាន​៦ ទៅ​៧​នាទី
ដាក់​ខ្ញីមួយ​មើម​​ចូល​ក្នុង​ឆ្នាំង​​ រួច​បន្ត​ចំហុយ​ប្រហែល​១០​នាទី​ទៀត។ ចំហុយ​ទឹក​ជាមួយ​ខ្ញី​បែប​នេះ នឹង​ធ្វើ​ឲ្យ​ត្រី​បាត់​ក្លិន​ឆ្អាប​ទាំង​អស់
និង​សាច់​បាន​ហាប់​ល្អ មិន​បែក​សាច់​ទៀត​ផង៕

ប្រភព៖ kanha.sabay.com.kh

If you like, please click LIKE and SHARE!

COMMENT
close
Post Knowledge